主页 > 中国分类 >《林伯特拒接蓝军帅位 誓与打比郡再逐英超》

《林伯特拒接蓝军帅位 誓与打比郡再逐英超》

来源:中国分类 2020-05-28 00:24:45
《原创文章 欢迎转载 请列明出处 谢谢》-请支持蓝狮 Facebook专页-《林伯特拒接蓝军帅位 誓与打比郡再逐英超》 按此观看图片 今季英冠最后一战,由阿士东维拉同打比郡係温布莱一同上演英冠附加赛决赛,争逐来季英超名额,最终维拉以2-1击败对手成功升班,而一直有传下季接掌车路士帅位既林伯特亦係赛后首次开腔,指自己同打比郡仲有两年合约,即使来季升唔到班都唔太可能离开球队。单计往绩,打比郡的确喺维拉之下,今季被双杀之余更係以大比数输波,同时打比郡人脚质素亦无维拉咁好,今场波前者继续以零星反击为主,但比到人既感觉係前场球员分工不清,尤其係哈利威尔逊以及马臣蒙特哩「双核」,对住实力稍高既维拉两者都发挥唔出应有既实力,而球队好多时既攻势最后都係求其一脚斩入禁区草草了事,无乜实际效果出到黎。攻不锐之余守亦不稳,季中虽然有艾殊利高尔「拍烂档」加盟帮手,不过A高主要都係用经验同路数搭救,讲跑始终唔够后生仔黎,同时防线人脚质素有限,今场波正正係后防两个人为失误直接将球队「判死刑」,先係睇漏对手被后上顶入,再有守门员预计错误而导致失波,即使完场前追近一球亦都已经返魂乏术。论林伯特以教波「初心者」既身份将打比郡带到哩个位置其实都唔係易事,当中更反胜有「狂人」比尔沙执掌既列斯联。说实话,相比于依加就接任车路士帅位,继续留喺英冠对佢既执教生涯会有更大既帮助,不过今季喺佢手上有唔少战术核心都係借返黎既「青春班」,就好似利物浦既哈利威尔逊以及车路士既马臣蒙特同汤武利,人地来季未必会再比你续借,所以喺重新组军方面必定係一个难题。下季能唔能够以直接升班名额竞逐英超?林伯特既留低係重要,而黎紧哩个转会窗既动作亦同样重要。文章发表时间 : 28/5/2019 17:15文章最后更新时间 : 28/5/2019 17:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关热门推荐